Les mots surlignés font l'objet d'une note
1Reçue à Grenoble, le 11 mars 1573. Répondue.
2Monsieur de Gordes, je viens tout presentement de recepvoir votre lectre du XXVe du present par laquelle
3vous me faictes entendre la surprinse faicte par les rebelles du lieu du Pousin, vous pouvant
4asseurer que vous estes le premyer quy m’en a donné advis et encores ne le puis je croyre parce
5que le sr de Laugyère, quy commande en Vivarais, ny le cappitaine Hancthoine, quy estoit dedans ne
6men ont mandé chose du monde. Touteffois je trouve fort bon que vous ayez retenu les
7compagnyes de delà et vous prye avec icelles et tant de forces que vous pourrez mectre ensemble
8essayer de le reprendre et mectre soubz l’obeissance du roy, vous aydant à cest effect de l’artillerye
9que vous avez à Grane et de deux compaignies quil y a en Viverès soubz la charge du sr de
10Laugière y usant de la plus grande dilligence quil vous sera possible, me tenant pour asseuré
11quilz y ont pour encores sy peu de commodité que difficillement pourront ilz actendre le sr
12du Peloux, quy est au hault Vivarez, vous y pourra secourir ; et de ma part sil estoit
13possible je le ferois. Mays je suis encores engaigé en ce siège où au premyer assault comme
14vous avez esté adverty, jay perdu quelques hommes. Mais puis que la vollunté de Dieu est
15telle, je prendz patience et me resouldz sur ce que les armes sont journalières et ay actendu
16jusques icy de commencer de les rattaquer et jusques à larrivée du sr de Savignac quy
17m’est venu trouver avec trois mil Gascons de renfort, esperant avec l’ayde de Dieu dans demain
18les mectre en besoigne et assaillir ceulx de dedans en deux endroictz tant au château qu’à la ville,
19ce que Notre Seigneur nous fera la grace d’en venyr à une heurese fin. Puys que la compagnye de
20monsieur de Maugiron est encore de delà et assemblée vous vous en pourrez ayder pour
21lentreprinse dudit Pousin et jusques à ce que je m’aproche de Nysmes comme je feray au partir
22d’icy. Ce pendant, je m’en vays très affectueusement recommander à votre bonne grace et prier Dieu
23vous donner, monsieur de Gordes, en parfaicte santé, longue et heureuse vie. Du camp devant
24Sommyères, ce premier de mars 1573.
25Votre plus affectionné parfaict et asseuré meilleur amy
26H de Montmorancy